ياصاحبي ليتك على قلبي اتويق

وتشوف حبٍ لك جديد وسناوي

حبك تمكن بالحشى كنه اطويق

مازعزعوه احل الوشي بالحكاوي

حبٍ ماهو حبك اكذابٍ وتلافيق

مره معي وامرار لشوفك رجاوي

يفِر قلبي واتحداه المعاليق

فر القطا لاشاف زول النداوي

اسهر توالي الليل واغيب وافيق

واعوي عواى ذيبٍ حداه الشواوي

ودي بشوفك دون من وتبريق

والدرب سمح بغايتي والمناوي

اعرف خفاياخاطرك وانت شفَيق

مثلي اذا انا ماخلفتني الهقاوي

ذي قصة تكتب بحبر وتوثيق

انا اشهد انا من كبار البلاوي

صارت مثل مزح البزور المطافيق

وكبرت وكبَرها كثير الدعاوي

يفرح ويسعى بالوشي التفاريق

ويوقد بنارٍ شافها كل ضاوي

رجواك ياربي تجيله على الريق

والا بليل كنَها النجم هاوي

ويذوق من حزن القرايب تذوَيق

ويعرف عقوبة مافعل والخطاوي