وهذا سمي الطبشا وهذا سليل العَوْد

رفيق الخلا والجنب مَ الخوف يدفا به

وهذا ولد ثوران سبع الليال السود

لما قال اخو زينه فيازين جِنّابه

وهذا على الهقوه يجي فوقها ويزود

وهذ الزعيم اللي من اول تسمّى به

بعيد ٍ عن الزلّة ويَدْرَى من المنقود

وزود ٍ لربعه والمطاليق تِهقا به

وانا باطلب اللي ساهر والعباد رقود

شفيق بخلقه ساعة الضيق نلجا به

يوّفقْه في دنياه ويبكّره مولود

ويبني بناه وطاير السعد غنّى به