ياذيب في ممشـاك ميّـز دروبـك

مبدا هلـك مبـدا هلـك لا تخليّـه

حطيت درع ٍ كان يذري جنوبـك

تحسب ردي الخال بيعاوضـك فيـه

إطو الرشا عنهم ونـزح غروبـك

النـذل لايسقـي ولاحد(ن)بمسقيـه

تراه سبة مـا بـدا مـن عيوبـك

وترى الفتى في منزلـة مـن يماشيـه

الأجواد صدقاهم تجلـي كروبـك

الاجواد نور(ن)مـن سرابـه يقديـه

الاجواد مثل المسك لي هب صوبك

ريحه ينومـس واولـه مثـل تاليـه

الاجواد وأن ضاقت عليك إنهجوبك

على سنـودٍ يطربـك يـوم تبديـه

زين النبـأ معهـم لـزومٍ ينوبـك

والعـز والتقديـر معهـم تلاقـيـه

أنفض غبار العام عـن ردن ثوبـك

ودرب السنع ماهو بمفروض تخطيـه

أقولها وأنـا بـريٍ مـن ذنوبـك

ومن لاهداه الله فـلا أحـدٍ بهاديـه