ياراكـب اللـي مـن الـدرهـام قفـالـي

بالليل تسـري وطـول الصبـح صلابـه

هجن ٍ الا من سعفها الصوت تجتالي

تشـدي لشـراد ريــم ٍ صـاعـه ذيـابـه

من فوقها من يبـوج المشبـر الخالـي

وان هابوا الناس عسر الدرب ماهابه

تنصى لنا اللي مع الطرشان وصالي

والموعد اللـي طلـب منـا حضرنـا بـه

سلم على اهل الوفا ذربين الافعالي

اللـي لكـل الفخـر والطـيـب كسـابـه

الـلابـة الـلـي تـوطـي كــل عـيـالـي

واللي نزل في حماهـم خـاب طلابـه

ربع ٍ لهم فـي سنـام المجـد منزالـي

صعـب ٍ عـلـى كــل رجــال ٍ تهقـوابـه

عدوهـم لاذكرهـم فـي خــلا خـالـي

مـن شـدة الخـوف نومـه ماتهـنـا بــه

صبيـان يـام ٍ حمـاة العـرب الاجهالـي

كـم طامـع ٍ جـا يبيهـا واخـذت ركـابـه

المـال دونـه رجـال ٍ ترخـص الغـالـي

حامينـهـا يــوم كـــل ٍ رزقـــه نـهـابـه

الا نصـاهـم ضعـيـف ٍ زمـلـه هـزالـي

كنـه بعالـي جبـال طـويـق وهضـابـه

مطوعـة راس مـن بــه زود وهبـالـي

متبـيـن ٍ بالخـطـا والـحـق عـيــا بـــه

اهـل بـيـوت بـهـا للضـيـف مدهـالـي

ومـعــزبٍ يـبـهـج الـخـاطـر بـرحـابــه

وان كـدر الـبـال شــي ٍ ماتشافـالـي

سليت سيف ٍ تنومس قضبـة نصابـه

صـوت ليـام ٍ الا مــن حــدك الجـالـي

وابـشـرك لارفـعـت الـصـوت بالثـابـه

يام ٍ عمـود الـذرا فـي كـل الاحوالـي

والبيـت لـولا عمـوده طاحـت اقطابـه

غــارٍ يــذري وتلـقـى فـيـه مقـيـالـي

وغــار ٍ الا جـيــت صـوبــه مـاتـذرابـه

ماهي تـذل الصعايـب كـون برجالـي

وتصبر على الهون يمنى ٍ مالهـا لابـه

كيـف ادرك العـز وانـا فــرد والحـالـي

مايـدرك الـعـز رجــل ٍ قـلـوا اصحـابـه

ان ساعد الكف قوا الزنـد مـن عالـي

والا قـصـر شـبـرهـا عـمــا تهـقـوابـه

جات الحمايا وسقنـا الحـال والمالـي

وسقنـا المظاهيـر مـن يبريـن وترابـه

ماعاد حـن نستمـع فـي كـل عذالـي

والـلـي تغـيـب بـعـد مـاعــاد كـنـابـه

خـيـل ٍ تـنــازي بشـيـبـان ٍ وجـهـالـي

وحبـل الرسـن مايجـود فيـه قضـابـه

وضاع العقل مـن رجـالٍ كـان عقالـي

ومـن الضجـر كنـهـم للخـمـر شـرابـه

لعـيـون غــر ٍ تـهــل الـدمــع زلالـــي

ويقول (علي المرضـف) مالـي الابـه

تقـدم الجـمـع عــاد الـفـي مامـالـي

هذاك يوم ٍ علـى العـدوان يدعـى بـه

خذنـا ثلاثيـن اصيـل ٍ سوقـهـا غـالـي

مـن فوقهـا كـل شغمـوم ٍ رميـنـا بــه

لعيـون سلمـى هزمنـا كـل جمـالـي

واقفـى وخـلا الحريـم ونــارت كـلابـه

حريمهـم تنتخـي مــن قـلـة الـوالـي

والمال همـل وحنـا اللـي حظينـا بـه

الشيخ (ابن جمعه) لنا دز الارسالـي

مـن هجـرة عريعـره وصلتنـي ركـابـه

يامـرحـبـا يـــوم مـرسـولـه تعـنـالـي

والجيش جاوالشلايل جات برقابـه

عيناك ياللـي عيونـه سهرهـا طالـي

مـن كـان حـن فزعتـه نومـه تهنـا بـه

سـرنــا علـيـهـم بتكـبـيـر ٍ وهــلالــي

والروس تحذف (وابن جمعه) يثارابـه

شافي ٍ حدابـه علينـا القـادر الوالـي

طقـه عـقـاب ٍ فــرا جـوفـه بمخـلابـه

يـدور المنـع حاديـه اشـهـب الـلالـي

مايـدري ان كـل صولتنـا مـن اسبابـه

بالخنجـر الحضرميـه حطـه اوصاليـ

يلـيـت اخـــو فـايــزه عـيـنـه تـحـلابـه

وصيتـه اللـي لبسوهـا ثوبهـا البالـي

لبّسـوا حلايـل عدانـا ماكسـوهـا بــه

وصـلاة ربــي عــدد مـاهـل همـالـي

عـلـى نـبـي ٍ هـدانـا واهتـديـنـا بـــه