يوم اعتذرني وأنا طمعان في الخوه

دريت ماهو رفيقي غير متغّير

فيني غناتي وفيني الحيل والقوه

من فضل رب جعل مخلوقه مسّير

كفي رهاوي وراسي شايع ضوه

والشيك من حر مالي ماهو مجّير

ودعتك الله وكلً عايش جوه

ماني بحاير ولا انته بعد متحّير

وإن عازك الوقت في ميلاته وسوه

أنا الجمل وان برك ماهو بمتثّير

عهد الوفاء يالسنافي يدفن الهوه

والطيب بين النشامى دربه مشّير

ومادامني بالشعر بليغ ومفوه

خل المشاعر تحرك وجهها النيّر

اسري مثل بارق في عارض النوه

واسقي بساتين زرع عاده قصّير

ماكنه إلاقذيله صاحب توه

توه على أول شبابه عاده صغّير