‏عذابي صغيرٍ توّ مازمّت نهوده

‏تبرقع وموتي من عيونٍ ورا البرقع

لبس برقعه يوم ارتوى واستوى عوده

وصار يتخفى كل ماجيت مايطلع

وصار اللقا مابين فترات محدوده

مثل زرقة الجندي ماهو يبطي ويرجع

يجيني مثل غيمٍ قفى برقه رعوده

ويقفي مثل من هو سجد قبل لايركع

يقول احذر العاقل ومن شر منقوده

وانا اقول لولا الليل ماكن السماء تلمع

ويقول الوطن غالي وريعه على جنوده

وانا اقول من همل بلاده غدت مطمع

ويقول النوايا ماتجي دوم محموده

وانا اقول بعض الشك ذنبٍ ولا ينفع

‏سواتي معه كنها مثل قول مقصوده

‏وهو داري انه فالحشا يشلع ويرقع

انا ديرتي نجران والزين فالسوده

الا ليت بيته حول تصلال والمنقع