يالله ياعلام ماكان ويكون

ياذا الجلال وعارف بكل خافي

رحمتك تشفي كل ضايق ومغبون

وعفوك ولطفك فوق هالكون ضافي

ماغيرك ارجي منه فزعه ولا عون

ولا غيرك افوض له امري واخافي

اطلبك يارب الملا خالق الكون

انك تفرج كربة ماتشافي

قالو كارونا قلت ماذا تقولون

اللي حصل بامر الولي صار لافي

خلو الامل بالله ياللي تضنون

ماغير رب البيت يقدر يعافي

لاسباب تبذل والمخاليق يدرون

ان الوقايه حاجز لكل سافي

والدوله اللي مدت ايدينها عون

صارت لكل الشعب مثل اللحافي

نشكر ولاة الامر فيما يسوون

خلت صعيبات المواقف خفافي

مليكنا يامر وشعبه يلبون

وينفذون اوامره باحترافي

والحضر لو طول فلابده يهون

وتصير صلفات المواقف عوافي

الشعب مخلص والقياده حريصون

وقت الرخا والا السنين العجافي

فيالله ياللي له عباده يصلون

ولبيته العتيق تنوي الطوافي

انك تيسرها على كل محزون

ماغيرك احد يشوف مالا يشافي