الليله الليله يشوش الراس من الطنخات شوش

والفرحه تشوق النظر عند اجتماع الغانمين

يالمهرة الصبحاء ظهرتي ساعة االيل الدغوش

الطبع زين وفي الغلا كنها من الدر الثمين

أنصي خوالي كلهم قولي لهم علم ينوش

غر السحاب المدلهم أللي سقى غُبر السنين

من قبل مانرحل من الدنيا على بيض النعوش

وتزيد حسرات الندم راحوا وهم متزاعلين

في ساعة فيها أستوى الراعي مع اصحاب العروش

ياجعلنا لي جاء الحساب من العباد الصالحين

لكن على الدنيا نبي الخوه مع الوجه البشوش

والصبر في الدنيا فرج والله يحب الصابرين

وانتوا رجال بالوفاء والجود يمناكم تحوش

من عهد شيبان الظفر هل سطوه وفعل سمين

غريمنا خذوه في الوادي العوج قبل الجيوش

ومابين بدر وماحدثب ايامها متواجدين

يوم إن ابوشفياء أعتزى ماكنه إلا منْ الحوش

عن هبره وصبيان مر سجلوها العارفين

ويوم الجرو مع خبرة ظفران ماقفوا نطوش

غير غرماهم من وقع ربعي غدوا متجندلين

عاد البنادق ضربها فوق الصفاءمثل النقوش

تشهد لربعي القشانين الدُهاة الشامخين

وانتوا جميع عيال ابن ييه لمنه صار هوش

ياقف وأخيه حسين بن هادي خميس الراحلين

خوة نقاء ما صابها حقد ولاقلب غشوش

متجملين وجعلنا ف أجدادنا متشابهين