البارحه في هجعة الناس سهران

وجاذب الونه من اقصى مداها

 وقول ياهمي على الهون يافلان

الروح منك تشتكي من عناها

لا تفترس وجدان من صار ولهان

الطف بروحي لا تزود بلاها

تراك لو تعرف مافيني من احزان

وتشوف عيني كيف يذرف بكاها

ماكان حطيت الركايب بالاكوان

اللي عجز طبيبها في دواها

عالجتها بالصبر والقلب شفقان

والصبر فاض ولا قدر في شفاها

 وسباب مابي من وسيعات الاعيان

اللي خذت قلبي رهين معاها

 لماذكرت اوصافها بعض الاحيان

جتني هواجيسي ودارت رحاها

صارت بديره وبن جمه له اوطان

والغربه القشرى قهرني شقاها

 شهور مرت كنها بضعة ازمان

وحبيبتي يزداد فيني غلاها

عهد علي لو غبت او الزمن شان

مابيع خل للموده شراها

ابنتظر عسى الولي يجمع اثنان

وترتاح نفسي عند غاية مناها