الربوع المشاكيل 347 يا دار ما شفتي ربوع مشاكيل أهل الشهامه ناطحين النوايب شوف الديار الخاليه والمداهيل جا للعيون المستخله سبايب هذي جرايرهم على الهجن والخيل ورسومهم تذري عليها الهبايب هل شدة المندا إلا شلع سهيل وهل نزلة ياتي لها كل غايب أهل الضوي الساهره في دجا الليل وأهل النجور اللي عليها عقايب واهل الدلال اللي بها البن والهيل واهل الرباع مرفعات القطايب هل سربة تنطح وجيه المقابيل سوامة للروح سوم الجلايب منازل يا علها رايح السيل سقاه من نو الثريا سحايب لو يسمعون الصوت ناديت بالحيل ونخيتهم من تحت عوج النصايب وش عاد نرجي بالليالي المقابيل ما عاد نبغي من وراها كسايب
ملحمة نجران