تركي بن هذلول 292 يالله يارب العباد اللي بمده نستعين الواحد الفرد الصمد يافزعة اللي في رجاك سبحانك الله ياإلهي كل وقت وكل حين لك هامتي تسجد وتخضع خوف والغايه رضاك من بعدها يامرحبا بسمي وبسم الحاضرين محافظ حبونا يرحب والمواطن في لقاك يامرحبا يااميرنا تركي حفيد الفاتحين ان جيت ارحب وانت راعي الدار هذا من غلاك تركي زبون الكايدات أللي على العليا يبين العهد من جدك ولد حثلين ومعزي وفاك وابوك هذلول العطا والخير والفعل السمين مرحوم ياعود كسبت المجد ورثته جناك حييت ياطلق الحجاج أللي ينومس كل عين كريم سبلى تعطي المحتاج والمولى عطاك كم من مريض راح عمره بين آهات وونين فزعت له ياسيدي ماخاب ملهوفٍ نخاك وكم واحد تمشي به الدنيا على فقر(ن) ودين واصبحت بعد الله ملجى العون ساعة ما نصاك كسبت حُب الناس ب اخلاقك وبالعقل الرزين بين التواضع والشموخ اللي كسيته واكتساك عملت ب اخلاص وثقه مع الرجال المخلصين حتى اصبحت نجران دُره من جهودك واخوياك مع أمير المنطقه أميرنا الذرب الفطين ذاك جلوي نعم الأمير المجد يزهاه وزهاك في موطنٍ له بيرق زيًن شعاره كلمتين لفظ الشهاده يابلدنا والنبي عاش بثراك مايختلف على وطنا ياهل الفتنه أثنين ولا نساوم في ولاء حكامنا هذا وذاك في ظل قائدنا الوفي سلمان رمز المسلمين الحكم ياساس الزعامة في حمى الله ثم حِماك سلمان بن عبدالعزيز الفيصلي حامي العرين اسم ٍ يعز أهل الشرف ويهز بالمعنى أعداك حزم وعزم تصفق وجيه الطامعين الحاقدين الله يعينك يامليك الُعُرب ويسدد خُطاك سليل من حوّل على المصمك بجيشه لربعين يجمع شتات بين جهل وفقر وامراض وهلاك ياسيدي سلمان نبقى للعهود محافظين بيعة ولاء لك ولولي العهد عمره ماعصاك ولي عهد المملكه للعز يالشهم الأمين تشفي الكبود وتطحن الغازين لادارت رحاك حر شهر مامر في التاريخ عبر العابرين لا والله التاريخ يعجز كل ماجاء وأحتواك يشهد لك الحد الجنوبي والرجال الصامدين إنهم رجال في الوغى تخلف هقاوي من نواك صقور جو حلقوا دكوا عروش الظالمين حرب على حلف المجوس أللي يدور لشتباك الله خلقنا ياوطن نكفيك شر الطامعين قبل إن تباشير النصر والعز تبرق في سماك وانا احمد الله واشكره حمد العباد الشاكرين أني على المنبر بدعت القاف والجزلة فداك كل الفرايد بالشعر لبستها الدر الثمين هاجوس قلبي ياطويل العمر ماغاب ونساك حاولت مدحك مثل من قبلي وبعدي آخرين لقيتك أكبر من الشعر ماهو بواصل مستواك وهذا شعور أللي تشاهد في حبونا القاطنين والغايب أللي ماحضر عزالله ان قلبه معاك الباديه وأهل القرى على اليسار ومن يمين يابومجمد مرحبا وارحب وحيا الله نباك قبل أمس في يوم الوطن سارت مواكبنا حنين واليوم يزداد الشرف إنا حن حضرنا ملتقاك واسلم وسلم واسلموا يالحاضرين السامعين تبقى الكريم اللي سكنت قلوبنا والعلم جاك
ملحمة نجران