جلوي 214 يالله ياللي كل سرا تعلمه لو مايقال الواحد الفرد الصمد سبحان رب العالمين مافيه غيرك يااله الخلق جاوب لبتهال إذا دعاك العبد وافرد راحة كفوف اليدين يارب جملني وثبتني على نظم الجزال ماني براعي الهايفه ولا بسيد العارفين الموقف اكبر من الشعر مادام صادفني المجال والفرصة اغلى من الذهب عند الرجال الصاملين يامرحبا حيوا معي رمز الوفاء والاعتدال أميرنا الشهم جلوي يوم الخبر يصبح ثمين جده مساعد ياجعل قبره من الوسمي مخال في معركة حريملاء شهيدها علمٍ يقين وابوه هو عبدالعزيز سمي ذربين الفعال عيال عم معزي الفاتح بجيشه لربعين الملك لله ثم هل العوجاء يقال بصوت عال ومنها اصبحت داري ذراء وامان كل الخايفن نحبكم ي ال السعود ألين ياتينا الزوال يا ا كرم ملوك فعلهم يذكرعلى مر السنين في موطن يكفي ثراه اختاره الله ذو الجلال مهبط وحي منها يشع النور بالحق المبين مبدا التسامح والتعايش دون تفريق وجدال نهج(ن) عليه يسير قايدنا زعيم الأمتين عبدالله الاب الحنون بدون شك وإحتمال مافيه من يشبه غلاه وقدره إلا الوالدين انجيت أوصف للخوال شيوخ جربا بالشمال وانجيت ابوه معزي عزالله انهم عزوتين وسلمان يارمز العطاء والخير دايم كل حال هداج تيماء كم عطى يتمانها والمعسرين لماعطت يده اليمينه مادرت عنها الشمال عطيته يصخي بها في كل وقت وكل حين ونائب ولي العهد مقرن يوم تنخاه الرمال تشهد له أطراف الوديعة طيب الفعل الأمين ويارايح النسناس بلغ من لهم قدر وفال ازكى سلام فيه يشمومٍ وفل وياسمين لمحمد النايف عريب الساس من جد وخوال راعي الأمن والداخليه درعنا الحصن الحصين محطم الارهاب والتخريب داعين الظلال لين اصبحوا أذلة (ن) باصقاعها متشردين ويامرحبا يااميرنا تنساق لك شقر الدلال برية(ن)فنجالها ألذ من ماء الرافدين بين الجموع اللي ولاها فاق حدان الخيال افرحت شيخ طاعن بالسن وافرحت السجين جمايلك معروفة (ن) ماهي بمحتاجه سؤال وابشر بها محفوظة عند الرجال المخلصين دام الكواكب بالسماء والشمس يتبعها الهلال من ينكر المعروف مذموم على دنيا ودين والحمدالله مانخون عهودنا باول وتال عهودنا وحدودنا نبقى عليها قابضين يام وهمدان تسوم أرواحها عندالقتال لوصاح شبر من الوطن لبيك ياارض القبلتين ياميرنا ذا طبعنا لو كشرت سود اليال أي والله نحن بالسعه والضيق دوما جاهزين وإذا سمعنا هرج من يبغى لها وضع اشتعال نحط طين (ن) في اذن ونحط في لخرى عجين سيوفلكم عند الوغى وحزام مافيه إنفصال عند الشدايد نرتكي والقاسي القاسي يلين هذا ولانا للابد مادام بالدنيا رجال يا ال السعود اهل الوفاء يانصرة المستضعفين يفدى الوطن ماقد ذخرنا من حلال ومن عيال ارواحنا واموالنا تفداه له شوق وحنين وياسيدي كل القصايد من غلا شوفك تقال لو تختلف ببحورها على الهلالي والهجين غير إنها تاصل غلاكم سيدي هذا محال بعض المشاعر كامنه بقلوبنا ماهي تبين وبعض القصايد تفتخر في ذكر وافين الخصال وقصيدتي يكفي انها تفخر بذكر الحاكمين ياهاجسي ختمتها وانا معك مرتاح بال وقبل الوداع لراعي الجودات والفعل السمين إذا سمحت اصافحك ياسيدي بالاحتفال لحظة عمر واكبر فخر لوجات من ذرب اليمين هذا وصلوا عد ماهل المطر والسيل سال على الرسول الهاشمي افضل وخير المرسلين
ملحمة نجران