حاتميّ في الكرم صيرميّ ايلي عدا

وفي المراجل مَدْرِسَة شرّعت بيبانها

مسفر بن حسين يا سعد من يبغى الغدا

من سلايل لابة ٍ تحتمي حِدّانها

من بني غوث القدا للذي يبغى القدا

ومن بني غوث البلاء لي رقص شيطانها

جعل يبطي حي راعي الفعول السرمدا

راعي الفزعة لربعه ايلي جاء شانها

الله معطي له قبول وعلى الدنيا جِدا

ما حسب زود المرازق ولا نقصانها

يا عسى أيامك سنين يطول ابك المدا

يا فخر ربعك ويا عزّها وسنانها

ماقفك عز الرفاقة وغمّ ٍ للعدا

يا شبيه اطويق زام ٍ على ضلعانها

والختِم منّي سلام ٍ سلام ٍ مِكّدا

عد ما هلّت مزونه على صيحانها