خزان المكوك 183 زماني حط لي فالدرب شوك غدوا به كل هالعالم سوا كثيرين الدوادي والشكوك بعضهم علة ٍ ماله دوا اذا ما للرجل حنكه وحوك على كل المراجل ما حوا واذا مالمرجله طبع وسلوك؟ ترى منهو تعلبشها هوا وهي محد ٍ عليها له صكوك على ماقيل كل ومانوا ترى كوبان لو يملك لكوك على الجودات قلبه ماقوا لو انه يافتى يملك بنوك رفيق المصلحه قل له لوا يحطّك مثل خزان المكوك الى فضاه قطه في الهوا دعس طيبك وحطه (هيدروك) وغصن المعرفه بيده ذوا اذا اللي قبلنا ما علموك؟ مثل من جا وصدّر ما روا ونكرانك جميل اللي هدوك مثل من جوّد الصقر وشوا وسجّ وهج عن من هم نسوك ترى من يتبع المقفي غوا وخلك ساعة الشده لخوك اذا ذيب ٍ عوا للي عوا وضيفانك الى منهم لفوك تقدّرهم على أحسن مستوا ولاتبلش رجال ٍ مانصوك ترى مافيه جوع ولا خوا وعش في عزتك عيشة ملوك وتواضع كل مازدت ارهوا
ملحمة نجران