البحـر ذعـذع نسيمـه ريـح هيـل وعـود جـاوي

والمـزون أنشـت علـى جــده صــدوق خيالـهـا

برق يقفى برق والراعد مثـل صـوت العـزاوي

يـوم راعـي الخـيـل صــاح وقــال أنــا خيّالـهـا

مرحباً .. يا مشعل بـن سعـود ياستـر الجـلاوي

غطرفـت جــدة وهـلـت بــك .. وذبــت شالـهـا

وأنت نجمٍ .. شوفتـه عنـدي مـن كبـار المنـاوي

رافـعـك ربــي عــن الـبـيـدا وروس أطـوالـهـا

عزنا الله في ذراكـم .. يـا هـل النهـج السمـاوي

فـــي ديـــارٍ تـحــت رايـتـكـم يـظــل ظـلالـهــا

دارنـا .. يـا دارنـا… يـا دارنـا ذبـي الغـطـاوي

وأذكـري صـقـر الوديـعـة وأفـخـري بأبطالـهـا

الجزل عالي المقـام أنـا أشهـد إن قولـه يـداوي

فطنـتـه تـرشـد هــل الحكـمـة تـقــول أقـوالـهـا

واضـح المبـدا ليّـا منّـه مشـى واثــق خـطـاوي

الـوفــا مـيــزة وعـــوده .. والـنـقــا مـدهـالـهـا

سيـدي .. يـا سيـدي حـلاّل صعـبـات الـدعـاوي

أنــت حــلاّل الصـعـاب .. تعـيـش يــا حلاّلـهـا

شاعـرٍ للعـز يــا تــاج الفـخـر والمـجـد نــاوي

ساق لـك عـوص القوافـي .. وأنـت والله فالهـا

و الله اللـي ميـزك بالـوصـف يالـحـر الـنـداوي

ومـيّـز كفـوفـك عـلـى غـيـرك بطـيـب أفعالـهـا

الصخى .. مـن مدتـك يـا سيـدي مالـه مسـاوي

مـدتــك .. لاعـــدوا الـمــدات جـــات لحـالـهـا

لوسئلنا الغيم عن راعي الكـرم ريـف الخـلاوي

قـال مشعـل .. مـن زمـان الشـح هــو رجاّلـهـا

نسـل مـن هلّـل وكبّـر للفـجـر والسـيـف راوي

لـيــن وحّـــد .. هـالـديـار سهـولـهـا وجـبـالـهـا

من غلاة أسمـه تـردد بيـن راعـي إبـلٍ وشـاوي

لـيـن رســـخ دعّـــوة الـهــادي وهـــل هـلالـهـا

الصقر .. صقر الجزيره يوم صكـات البـلاوي

قــادهــا مـاهـمــه رمــــاح الــعــدا وسـلالـهــا

لين بان الحـق ياهـل الحـق .. للـي كـان غـاوي

ودولـة الـحـق .. اعـتـلا بـيـن الــدول منزالـهـا

الـولاء منّـا لهـا والحـب .. وكفـوف الرجـاوي

دارنـــا .. لا غــيّــم الــبــارود حــنّــا عـيـالـهـا

والعذر يـا سيـدي لا أزرت تطاوعنـي الهقـاوي

القـصـايـد مـــن قـديــم الـوقــت هـــذا حـالـهــا

رحبـت بـك لابـةٍ فـي حبكـم مــا هــي تــراوي

تفـتـديـكـم بـالـنـفـيـس .. عـيـالـهــا وأمـوالــهــا

مرحباً .. ترحيب راعي النوق بالغيث السماوي

غطرفـت جــده وهـلـت بــك .. وذبــت شالها