عسى صبيٍ مايحاول لين يقوم

لدرب المراجل والعلوم السنيعه

ياتيه من ربي صواديف وهثوم

ومن سمع به قالوعساه وقطيعه

احب صبي دايم الدوم مهموم

يرقى بطموحه للجبال الرفيعه

لطيف عند ابوه وامه مع القوم

مع الاخوان وكل اخت رضيعه

يشهر مثل مايشهرالحر ويحوم

نفسه عزيزه من سقاط النفيعه

دايم يحاتي بالقفى يلحقه لوم

والا يسمى بالاسامي الفضيعه

تزعل الى شافوه طرّادة علوم

نفسه تروم الطايله له طبيعه

مقَدّر في مجالسة كل شغموم

يكرم السانه من لهروج الشنيعه

قدله تجارب وقت والعمر محتوم

ويدرى متى تاتي طروش الوديعه

وان كان لاهم ولاهو بصيروم

انشهد ان قلبه ونفسه وضيعه