على بيض النوايا الصادقات وطيّب طبوعه

أصدربالمعاني الوافيات أعذب قوافينا

على سالم و رَد العلم بلغها لمسموعه

قوافي الشعر نزهمها وتجري ثم تلبينا

مباديها الفخر والطيب ومجدٍ فارقٍ نوعه

لك الله ماهي بصنعه لكن من صدقها فينا

على الدنيا نعيش كرام والهامات مرفوعه

وعلى قسوة بعض الأزمان ما باحت خوافينا

ولا من طاح حادي القوم ثم دور لفاروعه

عزاوينا نهار الهوش تربش من يعادينا

غباريه نهار الريب والعدوان مقروعه

بخشم البندق وحد الجنابي لو تصالينا

ومن صيحان مبدانا وفي نجران مرجوعه

على العليا ورايتنا ترفرف وسط وادينا

ضنا يام العريضه سدها والدار ممنوعه

على العدوان لارد البرا من قبل تدعينا

نرد البل على هلها وكف اللاش مقطوعه

تحزم بي إلا صاح النذير أبشر بنا جينا

وأنا أخوك إن طرى للنفس من بعض القشر زوعه

فداك المال ورأس المال وهذه من مبادينا

ولاني مهتني بالنوم وأنت ملايع اللوعه

أشيل الحمل من متنك ولا خابت عزاوينا

وعلى جرة سفير القوم من نجران وربوعه

عنى صوب الرياض وقمة طويقٍ تنبينا

طليق حجاج والوافين بالجودات متبوعه

لأجل بنت الرجال الله يشافيها ويشفينا

وألا يا أبوجمال وكلمة أهل الطيب مسموعه

عقد هبران حبل الطيب وإدع الله يقدينا

وعلى الصوغه فلا بوصيك مثنيه ومربوعه

توجه للولي إن ضاقت الدنيا ينجينا

وختم القول صلى الله عدد فردٍ(ن) ومجموعه

على المختار وأهل البيت سيدنا و مهدينا