فيصل بن خالد 296 أنا البارحه ليلي طواني وانا ساريه تهقوت بي اظنوني عسى الله يحاسبها طواريق هاجوس غرامه رضا غاليه تقول ان هوى سبت العلايا يداعبها اسيّر معه واسري بليله واليه اشكيه تحسب ان حياتي ضيّقاتٍ مناكبها وانا بالرضا غذّيت قلبي وقار اوجيه ونفسي هوى غيدا الجزيره مناسبها تقدّمت ابيها قالت ابيه ؟لا مابيه وانا مادريت ان دايم السيف خاطبها تقول الغلا خالد وفيصل خذا باقيه وانا والله ان ذي كلمةٍ كنت حاسبها بعد ماوصلني علمها قلت يالبّيه منوّل ابعيني واصبحت فوق حاجبها طرالي سؤال وقلت ردّي علي ياتيه لجل حبّها باسلوب اهله نخاطبها تحبين خالد؟قالت ايوه واحب ابيه واحب الحروف اللي على الطرس كاتبها وفيصل تحبينه من القلب؟قالت ايه وانا ادري ولكن قلتها لجل اطالبها عرفتي خواله من؟؟وقالت سؤالك ليه؟ احبه واحب ابوه وامّه واقاربها تنهّت قلت استأنف الحكم ياقاضيه انا من خواله!!قالت الحظ فازابها اثر شيخك الدامر؟!!ونعمين فيك وفيه زعيم الرجال اللي عزازٍ مناسبها بعيد المغازي كل مامرّني طاريه تمنيّت جوده بين بيشه وبين ابها تحمدّت لله قلت حظّي وانا راعيه لجل حب فيصل وافقت لجل اصاحبها اجل قبل ماجيها لزومٍ علي اجيه على شف نفسٍ غاية ارضاه واجبها ليا حام قيظٍ منه طلع النخل يثنيه وقامت هشاش القاع تظهر عقاربها تنحّرت جوٍ فيه عمري لقا ماضيه وارحّب ليا شفت السحابه واعاتبها ارى ظلّها عمرٍ سريع الزمن يجنيه وارى السر بامال الحياه وعواقبها رعدها البكا والحزن والبرق في داجيه ومطرها يقول ارزاقكم عند واهبها وبردها يذكّرني وليفي وانا ناسيه نسيته جزع نفسٍ الهي يراقبها لياروّحت ضيفٍ على لجودي قافيه ونباها مثل ذكر الجمايل الكاسبها تولّعت فيها والحسا عاد وش يرضيه!! اليامن درى انها عاجبتني
ملحمة نجران