عفاف نفسي سكّرت باب الاجواد

وبابٍ تسكّر مالنا فيه حاجه

نفسٍ مضرّيها على روس الاشهاد

طمانها عقب المعالي سماجه

ماني بحاسدهم على كسب الامجاد

وعند الولي ضيق الدهر وانفراجه

فان زلّت الفاقه فلاني بنشّاد

يذبح جمل بعدين والا دجاجه

من عاش لوجيه المخاليق عبّاد

قال المثل يصبر على مايواجه

والعز لو مافيه لاما ولا زاد

ولامهونة من يدوّر مزاجه

ومن لايفرّق بين رعيان واسياد

مثل المريض اللي صعيبٍ علاجه

وهمج الروى مايمدحه كل ورّاد

لو كان شاويٍ كثير نعاجه

فمن صارميراده على طب الاكباد

يشرب قراح الما ويترك هماجه