قصيدة شمس 542 صباح الخير وبسمة تسرق من الصبح جنحان الوله وتطير عيوني في عيونك دونما تعبير يا عمري والثواني في صباحك غير صباح الخير وانا اللي أمس مضى فيني تقول سنين صباح الخير واشوف الشمس بعيونك تجي شمسين ولا ادري أي شمس الشمس هي اللي تزعج عيونك؟ أو إنها عيونك الحلوين؟! كل عصفور غنّى في غصونك طار ما بين تنهيدك وآهك ابتسم لا تضيّعنا شجونك عاد الاحلام في جاهي وجاهك سولف شوي محتاج لجنونك المواعيد ضميانة مياهك وجامل الشمس لا تغمض جفونك دام أشعة سناها في اتجاهك ياخي الشمس لو تزعج عيونك ما تبي غير تلفت انتباهك!
ملحمة نجران