قـال القـرادي لـي بــدا كــل شـاعـر

فـيـازن هـروجـه قـبـل يـبـدا كـلامــه

بدعـت قافـي يــوم شـفـت المنـاكـر

ريت الحماس وشفـت زود الشهامـه

ريـت الرجـال الـي بهـا الحـس ذاكــر

كنهـا الجـراد المنتـشـر فــي تهـامـه

يامي ومن ينسـب فـي الجـد شاكـر

كنـهـا غثـيـرٍ واصـــلٍ فـــي غـمـامـه

يمشـون فـي طـاعـة ولــي المنـابـر

شـيـخ المشـايـخ تاجـنـا والعـمـامـه

ســلام مـنــي عـــد مـاهــل مـاطــر

وعــداد مـالـبـرّاق يـنـشـي غـيـامـه

لك ياغلا من كـان فـي الكـون حاضـر

جـاهـك تـحـطـه مـاتـهـاب الـغـرامـه

عنـد الـرجـال الــي تـحـل المحـاضـر

الــي تبـشـر مــن حـضـر بالسـلامـه

خلت طريق الشيخ في الوعد سابـر

جـاه الطلـب تقديـر لـه فــي مقـامـه

قــال الـقـرادي تــارك الـعــز قـاصــر

والجـيـد فعـلـه عـنـد لـمّـه وسـامــه

مثل علي صالـح علـى الطيـب قـادر

روّاس ابـــن روّاس فـــك الـغـمـامـه

الي عتق من في دجـا الليـل ساهـر

ســاهــر وقـلـبــه مـاتـهـنـا مـنـامــه

مـــن زلــــة دارت عـلـيـهـا الــدوايــر

وزادت عـلـيــه الـغـابـيـه بالـتـهـامـه

صـار الزلـل ذي صــار لنـفـس قـاهـر

واصبـح لسانـي قـد غـدا بـه عجامـه

ابرهيـم يشكـر كـل مـن جـاء وباشـر

والبيـض للـي مطلقـه مـن خطـامـه

شـاف القهـر ثـم شـاف كـل العـزايـر
اقـنـع مــن الدنـيـا وطـــوى خـيـامـه

ابراهيم طول الوقت في الموت صابر

متخـيـلٍ ان الـعـبـد يـنــزع حـسـامـه

زلـــه ورب الــكــون لــذنــب غــافــر

خـارجـه ربــه يـــوم عـيّــن نـسـامـه

والبيـض تركـز مـن ثجـر لـي لشاجـر

وتركـز مــن الـعـارض لـديـرة كتـامـه

ويازايـلٍ فـي الشـام للبـيـض نـاشـر

اركــز لـهـا فـــي نـايـبـات الـعـدامـه

لآل علـي بــن زايــد بــروس البـنـادر

غنـا لـهـم مــن حــط بالـخـد شـامـه

والبـيـض لجـمـع آل مـيـمـون صـايــر

والبيض لاهـل البيـض تبقـى علامـه

والبيض لآل عباس في هضب صافـر

ومـن ديـرة العجمـان لــي دار تـامـه

ثـم راحـت البيضـاء مـن الـجـو حــادر

تنشـر لابـن عبـاس فـي كــل قـامـه

والبيـض لــه مــن كــل وارد وصــادر

والبيـض غنـى بــه طـيـور الحمـامـه

تمشي بهـا الهجـن السبـاق الحرايـر

الــي تــزر اشـدادهـا فــي سنـامـه

والبيـض طـار بـهـا مــع الـجـو طـايـر

يـركـز لـهـا فــي كـــل دار وعـدامــه

وينشـر لهـا منهـو مـع النـاس سـايـر

واللـيـل نــوره بـعـد غــدراء ضـلامــه

صار النعت والدمـع فـي العيـن حايـر

والـدرقـلـه بـتـقـول جـــات القـيـامـه

ثـم قـام ابـن عـبـاس بالـكـف شـايـر

جـاب العفـو البيـض تشمـل عمـامـه

مـن راس ابـو همـدان جـات البشايـر

وام الهشيـمـه طايرالـسـعـد حـامــه

مـن عفـو ابـو صالـح بكـى كـل ناضـر

الـي عتـق مـن جـات ساعـة عدامـه

عفـوك يابـن عـبـاس هــز المشـاعـر

وعـفـوك يـابـن عـبـاس زيــنٍ ولامــه

والعيـن تبكـي مـن حمـاس البصـايـر

وبـعـد الـعـفـو كـــلٍ تـوقــف كـلامــه

غـنـي لـهـم يـــا لابـســات البـنـاجـر

يـالـلـي جـمـالـه سـاتــره باللـثـامـه

وهنّـا لهـم مـن بـوع لـي دار سـاجـر

ومــن دار الاردن واليـمـن والمـنـامـه

وهمـدان زبـن الـي مـن القـوم ذايــر

زبـن المجنـا يـوم تشـضـى عضـامـه

ومـن ضربهـم ماهـي تصـح الجبـايـر

ذلحـيـن ثــم قـــدام يـاتــي كـمـامـه

ولـي تجاوبـت سـود النخـر بالمعـابـر

فالوايلـي يرسـي وينـهـي خصـامـه

وكــلٍ بفـعـل الـشـر والطـيـب خـابـر

والجيـد وابــن الجـيـد يـاصـل مـرامـه

وخويـهـم مـضـمـون لـلـحـرب جـايــر

والحجـر محمـي ليـن ياتـي صـرامـه

وعدوهـم مـن ضربـة الـرمـح حـاسـر

وصيدقـهـم ياسـعـد مـنـهـم حـزامــه

ولي غارت القيمـان تحمـى العشايـر

وتحمـي حـدود الجـد مـن كـل هامـه

وماضيفهم في الوقت يمسي بضامر

بارض الحضن ينقض حبال المسامـه

وعيـال ابـن عبـاس تخلـي الضمـايـر

والبيض لاهل الجـود واهـل الكرامـه

والخـتـم صـلـوا عــد مــا الـعـج ثـايـر

علـى محـمـد سـيـد الامــه وامـامـه