العام عيدالفطر خلي يكلمني

وارسل وسائط وزودها بنصيه

والعام هذا يغيب ولايعايدني

مدري ظروف الزمن ولا نوى نيه

ياهيه باقي على حب مجنني

واعيش ذكرى ليالينا الغراميه

وين انت ماتتصل تكفى تطمني

حالك ودنياك وعلوم(ن) خصوصيه

إن كان غيري خذاك فلا تعلمني

يرح واترك القلب يعشق فيك ماضيه

عشق بطعم الغدر فعلا يحطمني

وشرب الحثايل ظماي ولا مساقيه

غير الثقه يابعد عمري تلازمني

يالله عسى القلب ماضيَع هقاويه

ويعود من هو مع الايام فاهمني

اللي ضميري يفز إن حل طاريه

والله احبه مع انه دوم ظالمني

واحيان يزعل بدون اسباب فعليه

مدري تغلى علي ويحب يرغمني

ولا مزاجات وأخلاق (ن) تجاريه

يالله بعيد الضحيه ويتلهمني

إن كان عشنا يعوضنا تهانيه