انا البارحة يوم امسو الدالهين انوح

واقول انصفوني من هوا الزين يالابه

تعرض لعيني عقب طول المدى ساموح

حربها المنام ودمعة العين صبابه

لفى من لطيف لروح علمٍ مهوب مزوح

نهار الخميس الي مضى جدد ثيابه

تناسى العهود وسار سر الغلى مفضوح

مابين الأوادم ذاك يسئل وذا جابه

وانا: ماهقيت انه بسر الغرام يبوح

لكن القدر مامور لومارضينابه

ثلاثة عشر يومٍ وهذا يجي ويروح

ادز ارسايل والخبر منه ماجابه

رماني بسهمٍ حط بين الضلوع جروح

ورميته بسهمي لاكن اخطيت مضرابه

عديم الوصايف لو يخون العهد مسموح

ترا حبه بقلبي بنا عالي اهضابه

تجي منه الزله واقول الخطى مدموح

تجيهلتها من اجل ماعقد اعصابه

الا: ياعيون اشقر حرارٍ شهر للوح

عيون اشقرٍ متعليٍ راس مرقابه

غيابه عمى عيني وبعده شقى للروح

وقربه عذابي لاكن اشلى من غيابه

تميز بزين وطبع ومقابلٍ مملوح

تفوق على جيله وجيلٍ سمعنابه

اليا اقبل يشادي مهرةٍ سرجها مطروح

اليا شافها خيالها زادت اعجابه

والى اقفى يجاذب خطوته فاح صدري فوح

كمى فوح رسلانٍ على نار عزابه

على بو جبينٍ لاظلم الليل قام يلوح

جبينه وضوح البرق يالربع متشابه

اقول الستغفر الله قبل تنكتب بلوح

تعابير هرج ٍ ذايق الحزن غنابه

وابرجع على الي بابهم للعذل مفتوح

بشكل النصيحة تنطق الفاض كذابه

يقولون لي ماعاد لك بالهوا مصلوح

خلاص انتهى ماكنت تتعب وتشقابه

وانا اقول للي لدني عن لطيف الروح

عسى ماوطاني ياهل العرف ياطابه