سرا بي هاجسي لبابل وكني في وسط تابوت

سرا بي والقمر نوره ينور في مجراته

وأناما جيت أبنشد وش جنا هاروت ياماروت

أنا أدور علا اللي هاضت جروحي من أبياته

حداني وإحتداني لين هزينا حيود الكوت

بعذبات النشايد يوم يشكي لي معاناته

يلحنها على دقة طبل مادقها الهلفوت

طبل يرقص على رجفه رجالن هم وفياته

طبل يرجف وفي رجفه ضجيج وناعت ومنعوت

حفظ اسرار سبع مية سنه مابين طياته

يلج الصدر من قافه ملج الجيش في جالوت

ويلج الفكر من معناه واقواله وغاياته

يقول الجوهر الغالي تمكن وسط بطن الحوت

وأقول الجوهر الغالي نبي الله وآياته

يقول الجوع والحيله قليله في ملاقا القوت

وأقول الرب يرزق عبده بمقدار نياته

يقول الموت وش هو الموت ياللي مادرو بالموت

وأقول يالله بحسن الخاتمه ياراحم أمواته

هواجيس وطلاسم تشغل أفكاري وأجر الصوت

والا ياحظ من هو لاقرا فيها ولاجاته