على داعي الكريم محمد الحلتيت ياهمدان

حضرنا في وطاكم وأنتوا اخوانه وربع له

ينومسني الكفوا لاجاء على ربعه ذرا وكنان

رضاء لابته يكسبها ويرفاها عن الخِله

فسلام أجمل من الكادي لما عانق شذا الريحان

سلام الشاعر اللي لا هرج هرج بيفطن له

سلام ساقه الغربي واذا عانق سماء الظهران

نسيم في مزون من سحاب ماطره هله

على ديرة هل الناموس منهم في الوغى شجعان

على حد الوطن ماصابهم خوف ولا ذله

حموها بالمهار القُب لاسرجٍ بدون عنان

عليها من حمول أهل الطناخه والشلى شله

قبايل وادعه نعم الرجال أللي تسد الشان

هل الطولات من عصر الرمك والرمح والسله

قبايل وادعه لي ثار في بطن السماء دخان

يدوسون الخطر ياويل منهم جاوا ضدٍ له

ضناء همدان ساس العًُرب من صنعاء الى نجران

مغاوير الحروب وحدها تحماه وتحله

عوانينا وجيران وصدقان وصرنا أخوان

محبتنا عساها في رحيم باسط ظله

تحت بيرق هل التوحيد في ظل الملك سلمان

ذراعه الايمن محمد سنام المجد ياصل له

وعلي الحق يانُدر قصيدي صوب أبن كعبان

مع ال عريعر شيوخٍ تعرف الحق وتدله

نجل أهل الوفاء مانجهل بيوت لها سيسان

ركايزها قبايلهم تعقد الحبل وتحله

أقوله بالنيابه عن قشانين الوفاء الظفران

أمثلهم وغيري في القبيله راهي ٍ دله

قشناين صلايب يام إلا منه أرقص الشيطان

أهل فزعه واهل نخوه ولاحن نقبل الزله

وصلى الله على خير البشر من صفوة الرحمن

أبو القاسم رسول الله عليه افضل صلاة الله