يا الله يـا رحـمن 476 يا الله يـا رحـمن يـا أعــز مـعبود يالواحـد الـديـان تكـفي الصواديف وصـلاة ربي مـالـمـع بـرق ورعــود على النـبي وآله مع الـحق تشريف والله يعـز الــدار يا تـرثة سـعـود يـاخيـل العـوجا بصعب المواقيف من بـعدها و الـقاف مـاجاه مـنـقود في وجه إبي ما يلحقه خله وزيـف على الوعـد يا قطعة الفرجه وفـود قبل الخريف وقبل لا يهنع الصيف من يـامٍ و هـمدان و الجنب مـشـدود وجـيه صـدق ٍ بالحـقايق مـوالـيف والشيخ أبو ساق ومعه رؤوس وعضود وشـداد إبن هـضبان ماهـو سـوالـيف ومـنيف وآل نـصيب والجـاه مـسنود وإبن قـريعه و إبن حـيدر مكاشـيف وشـيوخ يــام ورؤوس هـمـدان ٍ ورود فــي جــال عـدٍ للـكـرام المـواريف جيـنا على رفـحاء وعـد الروى عود ســلام يا شـمـر حـقـوقه مراديـف يا شـمـر الـطولات يـا شـمـر الجود يا شـمـر الفـزعات بالرمح والسيف يا درع حـايـل والبـرا فـيـه مـردود والبـيرق اللي رفـرف وعانق الطيف يوم الصريف اللي ترادف به حـشود تبغى قصـر برزان بالسيف والهيف لـكن سنـاعيس العـرب طود وحدود قـام الطـنـايا وأحـتمـوها منـاكيف وسِبـع الطـليـعه ورثـوها له جـدود مثل الجــنازه مايـجي صوبه الحيف هـو مـقدم الغــارات واليـوم مشهود وجمع الضـيـاغم لو تزيد التكاليف أطلـبكم بوجـه الله وحـق الأخدود وجاه الرسول وزمزم ومسجد الخيف وبيت الله ومن طـاف والـركع سجود واللـي رفـع كـفيه لو قـال يا كـيف حـمـد ثـمان سـنين ولا بـعـد زود مكـبل ٍ بالقــيد غـبن وتحاســيف وأمـه خذاها المـوت وتصيح وتذود نجران ردد يا صدى الصوت لطريف وأزهم على إبن طواله والأسلم فهود وأزهم على الجـربا وزوبع مراهيف يا إبن رشــيد أنخاك يا كاسب الفود تـطلق سـجين قيـدته المـحاذيف من يــام بن يصبا مواثــيق وعهود في جدّنا كــهلان رؤوس المشاريف تكـــفون يا عبده هل السود والقود والغيثي الغيثي عــديم التواصيف يزبن عليه الكــايد ويـصبح سهود لأنكم مقـر الجـود وصف وتعاريف يا إبن ربــاح أنخــاك ياحامي الهود وأنخــاك يا مـطني بجـاه ومعاريف أنــتوا هـل النـالات حـماية الـذود العفـو يارؤوس العـرب يالغطاريف ّعثــرة جوادٍ لو كبا عـجّــة النـود حمد دخيل لشمـر و زابن و ضيف
ملحمة نجران