ياقلب شف عزتك بالمرقـب العااالـى

واحذر تدنوا وتنـزل مـن مراقيبـك

ياقلب شفنى من اللى ساسهـم عالـى

واحذر دروب الردى ياقلب تومى بـك

واقرا دروس النقا فـى كـل منزالـى

وباول صفوف المراجل خـل ترتيبـك

شفنى معرب مـن الجـدان والخالـى

يـام(ن) وهمـدان ياقلبـى معازيبـك

والجادل اللى شعرهـا كنـه شلالـى

ماهيب كفوك ولا ظنى بتحـرى بـك

هى تحسب انك قعود حمـول شيالـى

تزعل مع الصبح واتلى الليل تسرى بك

ماعادنـى اليـوم للـزلات محتالـى

قلنا تأذن وجـت تبغـى تصلـى بـك

أنا ادرى انها تبى من حبـك اذلالـى

واذلالـى لهـا تـراه اول مطاليبـك

راحت صويبه وانا بـاروح متشالـى

وخلابها ضاع فـى غـارة مخاليبـك

هذا الهـواء دوم يالخفـراات ميالـى

قلب(ن) تسريه والثانى بيسـرى بـك