يالطيف الروح عندي لك سؤال

ليش شكلك لانظرته رجني

مادري من غنج ولا من دلال

او عيون سهمها ماينثني

او من اللي ممتزج سحر وجمال

الوكاد ان فيك شي شدني

فيك ميزه ماتجي الا في غزال

من نظر شخصك ماظنه يهتني

والعذارى مالقوا بعدك مجال

بالحلا والزين جسمك مغتني

والخدود بروق حاديها مخال

والحواجب قوسها متفنني

عطني اجابه قبل كلمة تعال

وقبل حبك مايجي ويسمني

اعرفي ما اريد قبل احلى وصال

التغلي لو يجي فيك انسني

هامتي نيشانها في كل حال

الشموخ وغيرها ماهمني

والاجابه خلها قد السؤال

ليش شكلك لانظرته رجني