لو كل مايطري للأنسان قاله

بذ بخفايا الناس قول السنتها

لكن على ماقيل حاله وحاله

وتعرف عقول العارفين بسمتها

بعض الكلام الزين لاجاء بمجاله

يرفع هله ويعلَي بمنزلتها

وبعض الكلام ان جاك مالك وماله

زلة السان الفاهمين ومحتها

ولابد من هرجة شبيه الحثاله

سقطه لمن هروجها ماحمتها

فكم كلمة تطلع وترجع محاله

بانت عواقبها على اللي حكتها

وكم كلمة جات لراعيها بزواله

يصفق بيدينه ليت عقله كمتها

وكم كلمة تبعد رفيقٍ لحاله

وكم كلمة تبعد جموعٍ عنتها

وزلات الالسن وارده لامحاله

وتدمح لهلها كنها ماروتها

وهرجة رفيقٍ طيبٍ ونعنى له

نصد منها لو الاذنين اسمعتها

وان جات من غيره ولاهي جهاله

الله يكافي شرها ومحقتها

ويالله عساني لاهرجة بمقاله

نفنى وشمطان اللحى مانقدتها