مرحبًا ترحيبة ما يعبرها اللسان

عد ما تذري به النود من هبابها

كلمة الترحيب تاجب على راعي المكان

مرحبًا يا أعز قوم تزور احبابها

مرحبًا بشيوخ يام وبشيوخ قحطان

مرحبًا ترحيبة ما يغلق بابها

المحبة بيننا اليوم ضامنها ضمان

واضحه ما عاد تحتاج زود اعرابها

هكذا الايام تاخذ على الناس امتحان

والتجارب تخبر النفس وين أصحابها

مرحبا يا درعنا عند صكات الزمان

يا ذخيرتنا إلا كلحت بانيابها

يا جبال ثمن اللي عليه الوقت شان

يلتجي في ظلها والذرى بهضابها

كل من يعمل جميل يجازى بالاحسان

ولعن يمنى ما تصادق مع قضابها

لعنبو نفس على الذل ترضى بالهوان

كل نفس تقبل الذل وش يبغى بها

كم بي فالشدايد غدت عشرة ثمان

لو نخيت وصحت له صيحتك ما ثابها

ترك اللي لا بدا لازمك ما زيد بان

حزة الشدة إلا جات ما يلقى بها