ليت الصباح اللـي هجـد ليلـة أمسـي   مابينت شمسه…… ولا شفت صبحـه

اليـن تشبـع يتلـع الجيـد خمـسـي    من لمسة كفوفك ….وعطرك…. ونفحه

والنرجس اللي مرتوي حـول خرسـي   والسيف ابو حـــــــدين …..وتثـور لفحـه

من صوب عنابك…. وانا اشكي لطرسي   كيف اجتمع عـذبه….. مـع زود ملحــــه

ليل(ن)مراكـب لهفتـي فيـك ترسـي   ماغير أنا وأنتي…. وجــدك…. ومـــزحه

والنجمه اللي تسـرق احيـان همسـي   والضحكه اللي ترسم شفـاك …فرحـه

مرات ترفق بـي …..ومـرات تقسـي   ومرات تاخذنـــي لعرشـك…. وسفحـه

عليت من ريقك ضماني…. وغرسـي   وزرعت لك في باحـــة القلـب سرحـه

وروضت لك عاصي ضلوعـي وشرسـي   ورفـت بيـارق حبــــــك بكـل صفحـه

لاقلت أحبك ترجف أيـدي ولا أحسـي   لو ((ذيب ابن غانـم ))طعنـي برمحـه

وان قلت ((تكفى)) جيت لك مثل عبسي   العمـر فـــــدوه لـك بـزوده وطـرحـه

واللي خلق نفسك ….وخـلاك نفسـي    انك بصـدري بيـن تينــــه….. وطلحـه

وأني لاوقف كل عمـري علـى امسـي    الين تشرق شمس وجهك…. وصبحه