التاجر اللي يلف وفالمجالس يدور

ان طاعني لايدور للهزايل فواد

كم سلعة قبلها يكتب عليها تبور

تفنى المديلات حتى لوبعضها جداد

والحاجه اللي مجرد خربشه فوق سور

مانفقوها مدللة الحكى والمزاد

ناس (ن)من اتفه لامور تحط بعض الامور

مثل العظايم وكنها {ارم ذات العماد}

لكن تبقى المسافه بالمتر/ والشبور

مثل الرزانه وابونوره/ وقصة جواد

والمشكله يوم نشهد والشهادات زور

ونطلسم الحاجه اللي صدق / واللي وكاد

كله لجل مصلحه / والا لمال / وفجور

يعني بما يحتويه النص لجل الفساد

والكذب مانزله قران / والا زبور

شي محرم من الله (لو يقرب بعاد)

ياصاحبي كان همك كل ابيه الظهور

على غلاف المجله وانت ماسك زناد

دور لك لحاجة منها تفوح الصدور

مايلحقك من وراها عيب/ والاسواد

واجهر بصوتك وخلك في كلامك جهور

خل المياعه / وحسب القصد والا المراد

واصبر على ماقسم ربك وخلك صبور

واختر لدربك خوي / واختر لراسك قناد

وان عودت للحقيقه ما لكرتك عبور

الموهبه وسط وادي وانت عنها بواد

فكر وشف كيف تنبت فاالربيع الزهور

وشف كيف ياكل عنا الفلاح سرب الجراد

وان الغلا فالمعيشه/ وارتفاع المهور

اسبابها حرب سريه على لاقتصاد

وحن من غبانا نسمي الراي /ونقول شور

والفرق كنه ثمود /وقصة أصحاب عاد

الفلسفه هذي اصلا لو تفكر شهور

يطلع معك ناتج التفكير (تربيع صاد)

من طاح قلنا على طيحته هذي طهور

حتى ولو كان توه في سنين المهاد

هذي يابن راجس القصه وفيها ثبور

اموثقه من جنابي ولجنابك تقاد

فكر قبل تحتدم منها وصدرك ايفور

واشرح عليها /ووقع بس لازم تعاد

وان صار غير الطلب هذا حفرت القبور

باحاربك حرب لامريكان لاحمد نجاد

خلك ذكي وتحرك حسب سلم لاجور

الصيف هبت ذعاذيعه وقرب البراد

مادامنا كلبونا للبعث /والنشور

فارزاقنا ياالسبيعي عند رب العباد