بديت باسم اللي هدى الخلق للدين

الواحد المعبود منشي الخيالي

من اللعب جايز صار لي عدة سنين

واليوم أنا بألعب على ما طرأ لي

بأقول قول وأزنه بالموازين

قول صحيح مثل نقد الريالي

لنا الفخر لا قيل عنا نجارين

نجران قاع وساكنين رجالي

أهله هل الطولات في العسر واللين

أهله رجاجيل تشيل الثقالي

وحنا آل مفلح بالمراجل وفيين

أفعالنا تشهد لنا بالكمالي

وحنا لسلوم مطوعين الشياطين

لجاء نهارٍ فيه شد الحبالي

وحنا مواجد سق عين المعادين

حريبنا ندعسه دعس النعالي

وحنا عريبين الجدود الأصيلين

مذكر مروية القنا والسلالي

وحنا من الماضي على الطيب ضارين

وحنا هل الطولات أول وتالي

للمر مرين وللحلو حلوين

ولا جاتنا من ضدنا ما نبالي

ونلين للــلين وللعي عيين

وقصيرنا منزاله برأس عالي

للعسر عسرين وللسهل سهلين

ويا عسرنا للي برأسه هبالي

ونفعل فعول تفرح اللي صديقين

وتغيض من كبده عليها ملالي

ويشهد لنا الرجال القديمين

وفي قيل ابن حوشان أكبر مثالي

ولا همنا الثرثار وسط الدواوين

ولا همنا نقال قيل وقالي

أفعالنا تشهد لنا في الميادين

يوم أن مطعم مربض للثعالي

وعيب على اللي ينظر الليل بالعين

ليله بيات ومربضه في الصلالي

وتمت بذكر اللي له الخلق راجين

أبذكر الله في نهاية مقالي