سقى الله عهدكم ياهل الحزم ياهلي

وعل السحاب اعظامكم لين تروابـه

يامل عينٍ بـازرق الدمـع تمتلـي

وياهب جوفٍ فيـه الانـواد هبابـه

يذكرني سهيل اليمانـي بمدهلـي

جنوب الجزيره مدهلٍ مالـي إلابـه

ندي مكسر الفيه اقصير رشا الدلي

ولا ذكر ماه تحنب عـروق زعابـه

خدين القمر والشمس ومحمد وعلي

ومرب العشاير والجـوازي اتلوابـه

عسى بارقٍ ويلوح ياعين خيلـي

اخبر الغريب تحـن للبـارق اركابـه

متى علمنا بالسيل والعثعث الخلـي

وممسى بطاحينٍ قديـمٍ عهدنـا بـه

ألا ياسحابه باعذب القطر هملـي

وجودي على وادٍ كحل عيني ترابـه

تمثنيه اعصير واحدري فيه واقبلـي

واملي هجاله ودرجي سيـل محنابـه

توطي قدر ماتستطيعيـن وانزلـي

تسوقش هبوب غويج وتردش اهضابه

هو السيف بالياقوت والفضه امحلي

وهو الرمح كم بندر ملوكٍ شظى بابه

ودنياي وآخرتي وحصني ومعقلـي

وابي اللي لما اني ضقت صوت له يابه

احبه اعداد انفاسي اللي تعـد لـي

من العمر لحظاته وتستوفـي احسابـه