قد قال لـي سلطـان شقـر الجدايـل

راعي المحبه يا ابن الاجـواد مذلـول

لا تحسب ان الهم فـي القـرب زايـل

اخاف من هـمٍ تشيلـه علـى طـول

تـرى الهـوى ماريتّـه و الـدلايـل

دمـعٍ يهـل و خاطـرٍ دوم مشغـول

والحـب ماهـو بالحيـل و التحايـل

ما للخلايـق فيـه قـوه و لا حـول

جـف القلـم يـا ناقليـن الرسايـل

و طيف الغضي جاني معا الليل مرسول

والعاذلـيـن ايعـقـدون المسـايـل

واحباب قلبي ما استمع فيهـم القـول

واللي جرح قلبـي و عينـي تخايـل

ابا اعشقه لو قالـوا النـاس مهبـول

خلّـي سمـي الرايحـات الهمـايـل

مزيون باسم و جسم معنى و مدلـول

أشعلت له باقصـى حشـاي الذبايـل

يوم انطفت شمعة هوى كـل مجمـول

ونجـل العيـون الداعجـات الكحايـل

يوم الوداع ارخت علي حـد مصقـول

والليـل الاظلـم و النجـوم الشعايـل

صارت تغيا لـي خلاخيـل و حجـول

اخشى تمـوت ورود جـر المسايـل

اذا تحـدر وادي العـرض بسـيـول

انا اللـذي حبيـت وافـي الخصايـل

وانا اللذي عن كل ما صـار مسـؤول

حبيـت منقـوش الكفـوف النحايـل

حب النقى يا عاذلـي ويـش بتقـول

معـذور يـوم الفـت فيـه المثايـل

ابو دليـقٍ فـوق الامتـان مجـدول