كيد النسا 784 الله يصبرني ويدمح زلتي والله يعين وجهٍ من غبار السنين العوج والحزن اكتسا ياوجد حالي من عنى قلبي ودورات السنين لاجيت بنسى ضيقةٍ فالصدر قلبي مانسى ويامل قلبٍ له سنه مابين زين وبين شين اصبِح وانا طيّب واشوف الموت لاحل المسا لي فكر متشتت ولي قلبٍ من اللوعه حزين كله من اسباب الجفا والبعد وجروح الأسا على الهنوف اللي غلاها بين قلب وبين عين اللي غلاها بان فعيوني وفي قلبي رسا اجي لها يومين واليومين كنها ساعتين واروح عنها والطواري بين عل وياعسا وايدي على الجوال قبل يدق واسمع له رنين كني مواعد لي جموع شيوخ وجموع اريسا ولا كلّمتني من حرارة صوتها اتوه لين اروي ضما سمعي ويدفا السمع لامنه احتسا والا طرت لي والهموم افواج جريت الونين والا تذكرت الطريق الصعب غنيت يخسا اشغّل الفكسار دون شعور ويحذِف ميّتين ولا أحس إلا بدون شعور قد طفت الحسا لاتسألوني وين خلوني كذا من دون وين قلبي دليلي لو يطول الدرب ويطول القسا وان كان شفتوني حزين وحافظ السر الدفين خايف لجي منّي وكيفي علك فحلوق انجسا به حاجتين الناس تكرها مع انها حاجتين الموت من ضيم الدهر والموت من كيد النسا
ملحمة نجران