مانسيتك 341 مانسيتك ياولد هبران غمضه يشهد الله مانسيتك لا وربّي رضةٍ بالصدر من فرقاك رضه والوسيعه بعدكم ماهي تحبّي تسعة اعوام على طوله وعرضه والزمن بالقاسيه ياما ضرب بي عضة الدنيا علي تسعين عضه من بعد فرقاك من كفي وجنبي واقبض الجمره الين تجيك غضه ماشمت فيني ردي ولا مهبـّي ولبني عمي سند لي جات عرضه محزمي في الشان شب النار شبـّي وأنت إبي وإخي زماني وأنت فرضه وأطيب سنيني معك يوم أنت جنبي خايل البراق يشعاني بنوضه والسحاب يهل من شرقي وغربي هاض قلبي من طواري الشيب هاضه رايته بيـضاء ولا والله تسـبّـي فاقدك في البيت والمجلس عواضه دلتك والعود وسوال وجوابي بشتك يذري ولا فيه انتقاضه مثل قولك والذهب صبوه صبّي وإن دعيتك يالجمل ولك انتهاضه إني محـمد ولا راسـي يغـبـّي والوفا يرضيك يالوافي وراضه والردا ماهو بدربك لا ودربي يالله ان ترضيه ياربي وقاضه في جنان الخلد من يوم الحسابي ليت ربي بس يسمح لي بومضه ثم أضمك بالصدر وأبكي وألبّي وأعْلِم الديان بديونه وقرضه يانعيش هنا سوى قلبك وقلبي أو نفارقها سوى وأرضي هي أرضه وأقبروني معه ذا شفـّي وطبّـي
ملحمة نجران