يا سيدي سلمان يبن سعود

العين تدمع والحزن غلاب

كلن يعزي في وفاة العوود

عبدالله اللي في اللقا ماهاب

رمز الشجاعه والكرم والجود

رمز الأصول وطيبة الانساب

دمث الجناب ومنطقه محمود

لاشك ما يلحق مداه اعتاب

يسكنه ربي جنته ويجوود

عليه من فضله ذرا واحجاب

ودام الخلف بعد السلف موجود

سلمان لا من كلّحت الانياب

ومقرن وابو نايف ولاة اعهود

وافعالهم منها العدو يرتاب

وحنا نبايع والعباد شهوود

بعد الله اللي طالبه ما خاب

واهل الهقاوي والنوايا السود

والله مانحسب لها اي احساب

والشعب وافي ما عليهم زود

في كل موقف يكسب الاعجاب