من هاجس له مع الجزله دبيك وصهيل

يجيب ندر سمان الهرج ويكمله

لما زهمته يجيني كنه محدار سيل

يقول عطني مرادك والجزيل ازهله

بكلفه يمدح اللي يكسبون الجميل

راياتهم في المراجل دايم لوله

مثل ابن سالم محمد سيفي اللي صقيل

لاجا نهار الرمك والريب والمشكله

الراس صنيان ماهو يعرف المستحيل

ريف ابن عمه وبيته ماحد يجهله

فيه الكرم والوفى والراي دايم نبيل

القمه النايفه والشامخه مدهله

سعد ابن عمه ونحس اللي فواده غليل

وله بين ربعه وقار(ن) عالي منزله

باسوق في حضرته كل الكلام الجزيل

يستاهل المدح في وقفاته المذهله

وانا اشهد انه بهذا الوقت شكله قليل

بافعاله الماضيه والهقوه المقبله

ياجعل يفداه منهو عند ربعه بخيل

حتى ولو له مع البعيد عرف وصله

وختامها يابن عمي جعل عمرك طويل

جمعتها بالكرم والعرف والمرجله