(يالله ياللي من ترجاك ماخاب)

ياواحدٍ فوق المخاليق عالي

إنك تغفر الذنب يارب الارباب

ماغيرك اشكي له بسرات حالي

من بعدها بديت في راس مرقاب

واهيض من جاش الحشا ماطرالي

غربلني الهاجوس والفكر مرتاب

مواقفٍ ترهب قوي الرجالي

دنيا دنيه كلها اتعاب وانشاب

من دون مكسبها ابي راس مالي

دنيا تخلي كل شي له اسباب

ويجيلها في كل يومٍ مجالي

فنصح هل الايمان ذربين الانساب

في طاعة المولى عزيز الجلالي

دين الله المعبود نزله بكتاب

مكتوب فيه ان ذا حرام وحلالي

الدين يسرٍ مانزل دين غصاب

يعلم المؤمن جواب السوالي

فلابد من موت وقبر له انصاب

والموت لايمكن يخلي توالي

الموت ماخلى محمد والاصحاب

واهل السعاده والسمو والمعالي

وحتى الشجاع اللي على الخيل ركاب

الزير سالم وابو زيد الهلالي