فنــان والا مُطربة 295 مؤمن ويرضيني القليل من الكثير كون أهتوي بعد النجوم المرقبه يكفيني من الامنيات اني بخير واني ليا حسيت هم استعذبه ويكفيني اني اقدر افكر واسير واستغفر لنفسي اذا امست مذنبه ما همني وش صار والاوش يصيري ا إما برز فنان وإلا مطربه إذا الفضولي من طباعه مستخير وش عاد في اللي ما بعد لف رقبه لا اللي يثير الناس في عيني مثير الاشياء الاحلام الاماني الكركبه حاجات ما تطغى على عين الكبير اللي احقية وجوده مطلبه ما عادني بعتب على الحظ المرير لاصار به في العرش من يستوجبه كذا الحياه اسرار والدنيا مصير والادمي بيموت ما شيء معجبه ولو تأمل كم مدى عمره قصير ما شفت ناس ٍ بالحياه معذبه الإنسان يبقى بالعقل مخلوق غير ما هوب في شكله ولا طيب نسبه يزينه مع العقل صحوة ضمير وتزيد معرفته بطول التجربه يوم العبر شمعه وتندا بالعبير ماعاد اخافتني الليالي المرعبه من حمكة اصحاب الثقافه نستنير ومن التجارب نبني اعظم مكتبه الين يقراها من الخلق الضرير سطور لكنها سطور مذهبه توقف لهيبتها كتابة شكسبير وتطوف بحر النُبل مثل المركبه فن الادب منفاي من توي صغير واذا افتخر يفخر بكوني مكسبه مالي سوى ابداعي من الدنيا نظير وكلا بما قدم يحدد منصبه جميل ان تلقى لإبداعك مشير والاجمل ان ينشأ على اثرك كوكبه
ملحمة نجران