ياحبني اللرفيق اللي بصدره سعه

ان شنت ماشان ..وان قصرت قال معذور

وياحبني للكريم اللي ولو مامعه

ماعبس بوجهي حجاجه وعقّد الامور

الطيّب اللي سواة البدر في مطلعه

من اي وجهه تلد به النظر ..شفت نور

والطيّب اللي مخاييل السعد تتبعه

ومن حيث يمم ركابه بالجميل مخبور

والطيّب اللي عن المعروف ماتمنعه

صكات بقعا ولو صكات بقعا … تجور

ياكوكب الارض ..وجهاتك جهات اربعه

لكن انا وش علي .. لو درت او ماتدور

من كانت الشمس ونجوم السما مطمعه

وش همه اب الارض دام الارض كومة صخور

ياطير رفرفت جنحانك بدون امتعه

والناس فوق الثرى تحلم بحفنة قشور

هذي طموحاتهم ثكلى ومستوجعه

وهذي بقايا امانيهم جريحة شعور

واللي يقول الزمن لو مايطيعك طعه

ماجرّب يقاوم احزانه بقلبٍ جسور

ياكم نطحنا لجوج الموج دون اشرعه

ماهيبتنا عن الغايات عمق البحور

وياكم طريقٍ من يحوفه لقى مصرعه

سجناه ماردنا خوفن وشور معثور

احرار حنّا ولا حنّا عيال امعه

ولابنا اللي لما كشر زمانه يبور

نصنع بالايمان شيٍ ماقدر يصنعه

من لاعرف لوعة الحاجه وظلم الدهور

ونسطر احساسنا بــ اقلامنا المبدعه

شعرٍ يحاكي مفاهيم الشيم في سطور

الوجه وجه الصريح اللي بدون اقنعه

والراي راي الشجاع اللي يسوج القفور

يمرّه الهرج ويعدي .. ولا يسمعه

ويمرّه المـوت .. ماتلمح بوجهه ثبور