‏تبسمي وأنا بحبك كل حين

تضحك لي الأيام من كل إتجاه

‏ملامحك تشبه حياة الحالمين

وأنا أحب اللي ملامحهم حياه

تبسمي واضفي على القلب الحزين

شيءٍ من البهجه يجدد كبرياه

الحب أكبر من حنين الفاقدين

واكبر من الرغبات وابليس وغواه

والحب هو اللي على مر السنين

ظاهره لايمكن يناقض محتواه

ي اجمل عيون وضحكة وطلعة جبين

ياحسن لامثله ولا في مستواه

انا احبك حب من قلب ويقين

حبٍ هو الغرقه وهو طوق النجاه

ياوجهك اللي مثل طوق الياسمين

وياعطرك اللي كل عطرٍ من شذاه

دونك لو اَصبح مثل نجم الفرقدين

انا بدونك ما اشد الانتباه

مدي يدك للي ذبل قلبه حنين

ترى شعور الحب شيءٍ ما وراه

اشعر بك ودايم شعور العاشقين

يشبه شعور الاتقيا وقت الصلاه

سبحانه اللي جملك با الوجنتين

واللي جعل حبك لعشاقك غناه

تبسمي……تدرين لا تتبسمي

تنفسي وتعود لعروقي الحياه