سلام الله على نجران 169 سلام الله سلامٍ لاحت بروقه على نجران سلامٍ يتصل مني لحاضرها وللبادي عدد ما لملم غيومه يوصّيها على الهتان يهلّ امطاره ويصخي بعدما حده الحادي سكنها من يفاديها برمح ومرهفٍ شامان حماها الله بفرسان وحرسها خير الاجنادي صناديد الرجال اللي ترجّح كفة الميزان عمى عين الحسود وزربةٍ في حلق الاضدادي عزاويهم يجمّلها صهيل الخيل في الميدان فواريسٍ و اصايلهم تعدّي كل طرّادي سلام الله على الوادي وراعيّه رفيع الشان بلادي لا ولا بارضى بغير العز يا بلادي يحدّ الموفجه سدٍّ مهيب وعالي البنيان يثجّ الوادي بسيله على نجران ينقادي يحيّي بالنظر زورٍ سكن به وادعة همدان لهم وقفات مشهوره عليها متن واسنادي ويرخي السيل سلسلته على شعبٍ كثيف اغصان يعلّ ارض الصفا طرْب ويعدّيها على الهادي لابو همدان نظراته يخايل بارقه لا بان ومتحفّي الحضن ينشد ولا اخبْره بنشادي رعومٍ مشرق بوجهه يوثّق صملة الشجعان رجالٍ ورثّت عزّ وحمت بارواحها الوادي وبعد الغيضه وسلوه مع زور الرخا برّان يطلّ العان بالهيبة يذكرنا بالامجادي وشعب حمير من بعده وفرقه في جبل الامزان مغرة غرّة الديرة نسايم نود وبرادي على المشراح برّاقه ويسقي زرع ابن سدران وهمّاله على الباطن واذا حنّ الرعد زادي وتنبض له من خشيوه قلوب ويرتفع الاذان على المنصوره الصوره ملاذ القلب ومرادي وبعده تمطر الغيمه على حيّ لبني سلمان من القبلة على الوادي وتسقي الفلّ والكادي تمرّ اهل البلد عجله من البطحا والى ماقان وتنشدهم عن عويرة واهَلْ صنعا والانجادي من الجابح وللجابح يسيل الوادي المليان يردّ الما على الجربه وتطفح بير الاجوادي نهيقه شاهدٍ حاضر وريرٍ شارب وريّان تعلّ سيوله اخدودٍ تزوره كل الاشهادي وعود الراك في دارٍ ذكرها منزل القرآن محلّ المومنين اللي قضوا عبّاد زهّادي وفي القابل يقابلهم دروبٍ شامخه واوطان لها تاريخٍ مشرّف يغني به هل الضادي واذا وجّهت للقبله تشوف انّ دْحَضه عنوان من مكايد والى العجمه وشعب فريخ ميرادي وشعب جبير وجهتنا ومرفا لمركب الربّان وبه نورٍ على المشهد من الرحمن وقّـادي ويمشي سيل وادينا المبارك يسبق الغزلان من ابوغبار للمفرق وموجه ماهو بعادي على يمناه مزروع الحصين الساحر الفتان وشماله تشمل ديار الصعيد قدام وجدادي على الكنتوب عرّاضه وتقديره لابن ركبان على روحه سلام الله ودعواتٍ من فوادي وعلى عالي سلام اللي تذكّـر شلّة القيمان وتاريخ الصمود وقدحة البارود بزنادي واذا ما اقبل على المفرق وهدّى سرعته بعنان تذكر ربعنا حدرى هل النالات والقادي على رجلا شمر ثوبه ولو فاضت به السيمان وشعب سقام مستكفي وفوازٍ له ارفادي وفي القبله يقبّل به جبل صاغر بعد الاسكان وهو رمزٍ لماضينا وتاريخٍ للاجدادي وباقي سيل وادينا يناطح عالي الجدران ومبعد هقوته شرق يتزرجم له تزبّادي يعدّي برك والمركب من الشرفه والى ريمان ولا تاقف طوابيره ولو قالوه الارصادي على خباشٍ مناويّه وحايرة السلم مدفان حسب سيره وتسييره ومقدوره والابعادي عروق المندفن تشره مثل ما يشره الزعلان وتماني كن له نظرة تنقّاد وتوجّادي عسى غيمٍ تغشانا على الخضرا وخشم العان يعلّ المنخلي وبله ولا تحصيه الاعدادي ولا ننسى الشرى جعله يمنّ المعطي المنان عليه بغيمةٍ هطلاً لها براق وارعادي تعلّ اطرافه العليا بمزن وراعدٍ حنّان وتمرّ اطرافه السفلى بباقيّه وتزدادي من حبونا والى ثار وقطن ما تاقف الحدّان مراعي ابلنا تسعى شمال وشرق الاوتادي هذي ديرة هلي ربعي واصيلة يام ابن همدان هنا رمز البطولات وهنا موتي وميلادي
ملحمة نجران