شاعر من التاريخ 401 ياصاحبي والنفس يوجعها الكلام لا صار ماهو في محله وسنعه اهل النوايا العوج من بد الانام ياكرهم للحق واللي يتبعه ماكل امامٍ يصعد المنبر امام وماكل صدرٍ فيه من ربي سعه ودك اذا مريت ما تلقي السلام الا على اللي كل علياً مطمعه الله كم في الناس من ناسٍ لئام والله كم في الناس جاحد وإمعه ياصاحبي حقي على وجيه الكرام اكبر من الشعر العظيم ومنبعه مجروح لكني ما عرف الانتقام وان كانت جروحي كبار وموجعه شاعر من التاريخ من عشرين عام وهموم ناسه تاكل وتشرب معه وده يكون الثوره اللي ماتضام على محيط الجهل واللي يصنعه لكن تناساه الزمن وسط الزحام الين ضاقت به جهاته الاربعه ياصاحبي مابار كود ابن الحرام والطيّب من الناس عادي تخدعه لكن ترى الطيّب معه رب الانام ومن كان معه الله وش اللي مامعه؛)
ملحمة نجران