قطيع البهايم 469 ياللي تعاتبني بذم الهلايم في الناس ممدوحٍ وفي الناس مذموم وأنا آعرف ناسٍ سواة البهايم ماهمها شيٍ سوى الأكل والنوم حامت على روس الرخوم الحوايم اللي لاجات رخوم وإن قفت رخوم عيال وافين الشبر والعزايم شُقرٍ تباري في السما كومة غيوم وعيال هافين الشبر والزوايم دور لها في جُرة الضبع والبوم البارحه جوي من الحزن غايم مهموم من جدي ولا نيب مهموم أمسيت من همج المواريد شايم على إن كرام القوم لاشمت بتشوم آثر الزمان أخلف كبار العمايم وأبلى مع الآيام عادات وسلوم الناس ناقمها من الله نقايم وماعاد ينقذها سوى إنسان معصوم إستبدلوا عدل السما بالظلايم وإستامنوا الفاسق على صالح القوم وعلى النقا والصدق بدّو النمايم حتى غدوا في كوم والعز في كوم أدري محد يبقى على الصح دايم وأدري محد في حد من الناس ملزوم لكن يعزّر في قوي الشكايم بيع الرطب في سوق صرارة الثوم الصده الصده يامال الغنايم الوقت نجس أخلاق والشعب مهزوم اللي يباهي له بطاعة خمايم واللي يغني له على أوجاع محروم فإن غبت يا وجهي غيابك كرايم لو تشره خشومٍ ولو تزعل خشوم مانيب لك ياوجهي السمح لايم بعض الحضور يقلدك مشلح اللوم عرض الردى بين المخاليق قايم واللي حشم نفسه مقدر ومحشوم ومن حب يصبح من قطيع البهايم درب الشرف معلوم والذل معلوم
ملحمة نجران