ياصدقان عمري 266 ياقلبي لاتشقى في زمان الردا والشين ولا تشغلك دنيا التعاسه وما فيها تراها ماغرت في وعدها سوى المسكين ولا أنته بمن ينغر في زيف امانيها رخيصة الى أخرمدى..وانشد الشرهين يقولون لك ما حالف النصر باغيها ماكنها سوى اللي تفتخر بالحلا والزين وشرفها حديث اقصى الخلايق ودانيها تواعدك وتواعد معك جملة الحيين وكلاً يحسب انه هو اللي مباريها يادنيا العنا منك ومن رفقة الهافين يعز الله لحانا ويكرم مباديها على القصر بالشيمة رفعنا بيوت الطين ونصرنا المبادي يوم الاشباه تدنيها وحفظنا صداقة من قضا نُحبه من سنين أجل كيف في ناسٍ تجينا وناتيها نحب الجمايل حب ونقدر الوافين ونستر على هفوات ناسٍ نعاديها واذا خابت الهقوه بالاقصين والادنين أنا اعرف بشر خابت بأهلها هقاويها نعى الله من قصّر وهو طايل اليدين ونعى الله من خذها ولا عاد يعطيها ونعى الله من باع اصدقا عمره الغالين على حاجةٍ أتفه من إني اطريها ياصدقان عمري خوة اليوم واليومين لها حقوق ما يجهل سوى اللاش قافيها وش القول في الخوة لاعدت ثمان سنين وانا لو نذرت العمر ما اظن اوفيها وجودي ولو مالي وجودٍ على المقفين وجود العيون اللي بكت فقد غاليها فسالات لا من جات غمضت عنها العين وفسالات مدري وين….لا جات أوديها
ملحمة نجران