ياعين سجي ولابه في النظر زلـه

كلن يسلي عيونـه والعمـر فانـي

مـن اول غاويـه واليـوم مندلـه

سجي وخلي لقلبي كثـر لاشجانـي

ولعتني في الهوى ياحب خلـق الله

يابو ثمان جناهـا نـوب جردانـي

ياونتي كـل ماليلـي ضـوى حلـه

قيدت انا الراحله وأمسيت سهراني

قالوا لي انك مريض قلت عـز الله

عز الله اني على فرقـاه وجعانـي

وجدي على الي عشيره ماتسهل له

يالله تسهل لـي المجمـول يلقانـي

يابارق مـن ثنايـا صاحبـي هلـه

رايح قنيف سـرى حنـان رنانـي

أقسم بربـي يميـن مابهـا خلـه

ماطاوع الي عن المجمول ينهانـي

يأهل ام تاج الطويلـه سألكـم بالله

جوزوا عن الصيد رب الصيد يلقاني

مضنوني أقفى وعاد القلب مشف له

والموت يوم انحرف لي قد تعدانـي

أنا احسب ان اللقاء يبري من العله

أثـر اللقـاء زاد علقنـي بخلانـي

قد ذي نجوم السماء سمار ومطلـه

غير القمر ليلة العشريـن مابانـي

رح ياعذولي يشل القلب من شلـه

باحب واحب ليـن الحـب يبرانـي