يالله طلبــت الرب عــلام لســرار

يا غــافر للعــبد يا كثــر ذنبــه

ماعاد ينفعني صديق ولا جار

ولا حدن من العربان عاده ينبه

امسيت في ليلي بفلهام وفكار

ولنســان لماضـاق يشبـح لربه

بقيعة كفى الله شرها شدها جار

ماهــي تخلــي سالـيٍ ما تنــبه

خيــالها يأخـذ على الخلق مشوار

ومن مكن من العربان يشكون غبه

ياوالله اللي ريت مَـلْـك العرب غـار

حتى مجاري المنهل اخطا مصبه

وكثـر الردا بين العرب والتبصار

ولا زاد جــاء بيـن القبايل محبه

ما زاد ريت الجار سير على الجار

مالبغــض له والحسد عود يسبه

من بغض ربي للعرب راحو افرار

حتـى القريـب يفارقه درع جنـبه

ماهمــه الفــرقــا ولا همــه العـــار

ولا خاف من بلوى الليالي تحنبه

بوصــيك لا تركـن على كـل غــدار

ولا تــجــارز واحــــدٍ مــــا تحــبه

ولا تطـيع اللـي يعكسون لشـوار

لمــا استــوت لشــوار هبا تســبه

لي جاتك البلوى ولا الشي لك صار

فنصــى الشلـي وما الـردي لا تنبه

عليك باللي لي رسى الحمل صبار

وليــا بــدا الماجــوب ربـعه تحــبه

ايقــوم لي جــات الطـلايب وجــبار

ولـي اعتــازه المظيــوم عاده ينـبه

ماهــو بمثـبورن وبالـهـرج قمــار

ولـما بــدا لازم رفيــقـه يــكبــه

ولي هاضو الظفران للشان ماســار

ويكــث وجهــه لـي حـد ٍ جا ينـبه

حج الحجـيج وراحـوا النــاس زوار

وانـا علــى جفــر همــاج مصــبه

لا نبت لي زرع ٍ ولا ريت شن سار

وذليــت مالــمشـروه ولا بكــبه

كبيــت لــذات البـداوة وعمـــار

ليــت الله ما جابه ولا ذري حـبه

قبـل العمـاير كانـوا البـدو تجار

اخلـوا الفلـوس وقفوا فالجهبه

كبوا براري لرض ونبوت لمطار

والمقطن اللي كان كلن يحــبه

كبوا براري لرض ونبوت لمطار

والطرش ضاع ولا حد زاد نـبه