يالله يا مطلوب ماني بـناسيه

سبحان من يضفي علينا حجابه

طالبك ليل بالحياء مصخل فيه

لما ظهر نـــوه تلاعب ربابـــــــه

من عقب سيله راشدات رعاويه

يا زين نبته يوم يكــسي شعابــه

القلب تالي الليل مشكل طواريه

فالصدر هاجوس ولا احد درابه

من خوفة الشمات ماني بـمبديه

بصبر على ما قــدر الله وجابــه

أهيض من قلبي كلام امشيه

مثل العسل لي شخل ما احلا ربابه

ما حبني لـ الصدق يا وين راعيه

الصدق ضوح في الغدر ينسرى به

والفجر يا ويل ال فاتح مناشيه

سيل الغضب من في طريقه غدابه

والعز والناموس جمل لـراعيه

وباقي المعاني ما حداً يندرى بــه

يوجعني الطيب ليا احسيت طاريه

واشح به من العسر والعسر صابه

يسرح لـراعي الحق قدهو يمنيه

ياخذ ولي حسبة عليـه الغلابـــه

عينت من يعطي فواده شهاويه

هو مثل ساري الغدر ما احد درا به

او مثل من يدعي ولا احد يحاكيه

يدعي ولا حد مالمخاليق جابــه

او مثل غواص البحر لي غمق فيه

تصفق به الموجـه ولا احد درابــه

انا اوصي اللي فواده يشقويه

اللي حديثــه مثل رسـم الكتابـــه

ابن عمك لي انقدك لا تجافيه

مـا يتجب بينك وبينـــه حرابـــه

غير افتهق منه وغيرك يحاكيه

شي خوة الظفران شيها حلابــه

انه لي برد جنبك بيدفيه

هو درعك الضافي لي جاك كابه

اما الرفيق النذل فلا تماديه

لي جاك ماجوب بيعطي حسابه

هذاك لحق اللي يبين معاريه

من شق ثـوب الستر كلً درابـــه

جاني كلام عثرته عند راعيه

ريعه على اللي في المجالس حكابه

راعيه لا اذمه ولاني بـقافيه

قيسي وقيسه شالعرب قد درابه

المدح ذا والذم ماني بـراعيه

ومن فك بيبان العرب فـك بابــه

كنت اختلع من الشيب لي احسيت طاريه

واليوم كاسٍ عارضـي يا هلابـه

من لاح فيه الشيب يدري بـقافيه

شوفو دوينات المعانـي خرابـه

كم واحد بـالموس متعني فيه

يكـد عرضــه يحسبنـه حلابــه

هذا شعر وجهك من الرب كاسيه

لا تمحقـه فـانـه كثير عذابــه